تسمم بالمياه ؟!

أكيد سمعت قبل كدا عن تسمم ناس بسبب الأكل..بس سمعت عن تسمم ناس بسبب المياه O_o
قبل مانتكلم عن تسمم المياه .. لازم نعرف بعض الحقائق اولا ..
-زى ان المياه هي مصدر الحياة على الأرض :D ومن غيرها منعرفش نعيش ..
-الماء بيكون 66% تقريبا من جسم الانسان موجود فى الدم وفى الخلايا وبين الخلايا
-انت بتفقد كل لحظة مية من جسمك مثلا عن طريق العرق .. التنفس .. التبول .. -التبرز .. وهكذا وتعويض الكميات المفقودة ديه ضرورة طبعا
بس أنك تشرب مية بمقدار مش طبيعى .. يعنى تشرب فوق المحتاج ..ديه حاجة مش مفيدة وممكن تبقى مميتة !!
*طيب وايه الأسباب اللى تخليك تقول ان شرب المية الكتير ممكن يبقى مضر للانسان ويموته ؟
-اولا الموضوع ده اسمه Hyponatremia يعنى نقص الملح فى الدم وبالأخص الصوديوم .. بسبب زيادة تركيز المياه فى الدم
- لما بتشرب مية كتير .. بتزداد نسبة المية فى دمك .. وبالتالى بيقل تركيز الأملاح فى دمك .. وأهمهم الصوديوم .. فبتضطر المية انها تهاجر من منطقة الاملاح القليلة الى الخلايا ذات تركيز ملحى عالى ..
فيحصلك مصطلح Edema يعنى انتفاخ فى الخلايا .. بس ده مش المهم دلوقتى ... الخطير فى الموضوع ان كل الخلايا هتنتفخ .. حتى خلايا المخ !!!
وزى ماحنا عارفين ان المخ محبوس جوا الجمجمة .. فصعب ان المخ يتمدد .. وبالتالى الشخص يغمى عليه ويحصله مشاكل كتير وتقف المراكز اللى بتدى الاشارات للرئة انها تتنفس وممكن تسبب الموت !
*طيب هو ليه الموضوع مش بالسهولة ديه .. يعنى مش ممكن يجى لأى حد ؟
- هو الموضوع متوقف على دور الكلية برضو فى استخلاص الماء من الدم الى المثانة.. الكلية تقدر تستخلص لحد لتر كامل من الماء فى ساعة واحدة .. بس ده بيتحكم فيه شوية هرمونات أهمها هرمون ترجمته
(الهرمون القابض للأوعية الذاهبة للكلية vasopressin )
يعنى دلوقتى الموضوع ده متوقف على حاجتين أساسيتين .. الاولى مقدار ماتشربه من مياه فى وقت قصير ... التانية .. تركيز الهرمون ده فى الدم وده المتحكم فى الكلية انها تستخلص كمية ماء كتير ولا قليلة عشان تخرجها على هيئة بول (لو زاد الهرمون .. هتتخلص من كمية مية قليلة .. لو الهرمون قل .. المية اللى هتروح للمثانة كتيرة )
*طيب الموضوع ده بيجى لمين بشكل كبير ؟
-الدراسات أثبتت ان العدائين ( اللى بيجروا :D  ) ونسبة قليلة من الرياضيين دول ممكن يجيلهم زيادة عن الناس العادية .. لأن الهرمون فى وقت الرياضة او الجرى بيتم افرازه بصورة كبيرة .. وبالتالى ميخليش الكلية تستخلص مية كتيرة عشان ترميها ..
وبالتالى المية هتتحبس فى دمك .. زائد انك هتشرب مية كتير عشان هتكون عطشان .. فده ممكن يسبب التسمم ..
-ممكن تلاحظ الموضوع حسب كمية ولون البول .. لو بتشرب مية كتير .. هيبقى بول كتير ولونه فاتح والعكس صحيح .
النصيحة الأخيرة زى مادكتور قالها بخصوص الموضوع ( اشرب على قدر ماتفقده من عرق وعلى قدر احتياجك )
Islam Abdelzaher
REMA team
منقول