Anki تطبيق معروف للفلاش كارد
واللي مافاهم فكرة الفلاش كارد هي طريقة للحفظ
تجيب ورقة صغيرة أو متوسطة الحجم وفي جهة تكتب السؤال وفي الجهة الأخرى تضع الإجابة وتعملهم على كذا بطاقة بإختلاف الأسئلة طبعا
وتحاول تجاوب من غير ماتقلب البطاقة وتشوف الإجابة
نفس الفكرة هنا لكن التطبيق إلكتروني
والحلو أنه مجانا للأندرويد وبفلوس لأصحاب الآيفون!
وكمان تقدروا تحملو الفلاش كارد لأناس عاملينها مسبقا
مثلا تريد فلاش كارد للأناتومي
تكتب في البحث في موقع الanki
Anatomy وهكذا...
بيطلع ليك خيارات كتير والأحسن أنك تختار على حسب التقييم
أو لو مثلا انت عايز تذاكر للكلية تتفقوا مع بعض أنت وأصحابك
كل واحد يعمل أسئلة لدرس وتضيفوها
وبتذاكروا منها كجماعة
كمان تطبيق Quizlet هو مجاني للأندرويد وآيفون
الحمدلله يعني
نفس الفكرة
أنا للصراحة استخدمت الاتنين
كويزليت كنت بستخدمه للتوكسو علم السموم
لأن معظمه فارما
فبذاكره بطريقة التكرار المتباعد وهي من ضمن
ال5 طرق للمذاكرة اللي ميدسكايب تكلمت عنهم
والأنكي استخدمته لما كنت بجرب أذاكر من كتب المعادلة
لأن فيه sets حلوة لل usmle
وأنا بذاكر ال gross pathology للأعضاء
بالتحديد الأمعاء الدقيقة والغليظة (tinea coli and epiploic appendages)
وكنت عايزة أعرف الفرق مع أن الفرق واضح وضوح الشمس
بس لما تشوفوا صورة ال GIST tumor راح تشكوا زيي
لأنها مكتوب أمعاء دقيقة وأنا شايفاها العكس!!
المهم الموقع اللي لقيته اسمه CRAM
بيقدم فلاش كاردز بصور وسيستم
عجبني وأعتقد أنه كويس شديد وحيكون ليه مستقبل
صحيح انه مامشهور زي ANKI و QUIZLET
لكنه برضه يعتبر كنز
فالموقع دا كمان ينضاف ليهم
وانتم جربتوهم ولا لسى؟
شاركوني في التعليقات
ليست هناك تعليقات:
إرسال تعليق