اختبار ايفوم IFOM exam

 السلام عليكم

شنو هو امتحان الايفوم ifom exam

IFOM هي اختصار لل international foundation of medicine وهي بديل لامتحان ال usmle 

ولأنها بديل عنه رسوم الامتحان أرخص من ال steps exam

الايفوم ifom عبارة عن جزئين : IFOM bse ودا بيختبر معلوماتك البيزك basic ودا بيقابله step1 وسعره حوالي 200 دولار

IFOM cse ودا بيختبر معلومات الكلينيكال ودا بيقابله step2 ck وسعره حوالي 300 دولار

"  NDB226  كود نون مع ١٠٪ كاش باك

الكود متعدد الاستخدام"

فائدة امتحان الايفوم ifom 

معظم الطلبة بيختبروه كاستعداد لامتحان ال steps لكن في دول عربية بتعتمده كبديل لل steps وهم:

1- مؤسسة حمد الطبية في قطر 

يعتبر الامتحان من المتطلبات الأساسية لبرامج الإقامة الطبية لأجل التخصص الطبي بالإضافة للغة الإنجليزية 

كمان بالنسبة للمقيمين الامتحان بيخليكم تعملو الامتياز في مؤسسة حمد

2- المجلس التخصصي في سلطنة عمان

اجتياز الامتحان يؤهلك للتقديم على برامج التخصص بالإضافة لبعض المتطلبات الأخرى

3- الجامعة الأمريكية في لبنان

عشان تقدر تتخصص في لبنان مع الامتحان واللغة تقدر تقدم بكل سهولة

4- مؤسسة الخليفة في الامارات: 

ملحوظة: الامتحان لا يؤهل للعمل في الإمارات للعمل هناك، يوجد امتحان منفصل ولدخوله لازم إثبات خبرة سنتين.

كيف أذاكر لإمتحان الايفوم

التحضير لامتحان الايفوم بيكون بنفس الماتيريال اللي بتستخدم لامتحانات ال steps كون انه بديل عنه وممكن نقول نسخة مصغرة منه

الفيديو دا من الحاجات المهمة اللي راح تساعدكم في الامتحان وكمان أي شخص ناوي يدخل الstep2 ck 

Mrcp part1, البلاب١  https://youtu.be/r-PQ3Xvom_I

دا كورس كلينيكال فارماكولوجي لخصت ليكم جميع الأدوية وال mechanism of action بالإضافة لل side effects

معاهم نوت لأهم الأمراض اللي بتتسألوا عنها هنا Clinical pharmacology مراجعة كلينيكال فارماكولوجي

ولأني اجتزت الامتحان وعملت الكورس السابق، راح يساعدكم في جزئية الفارما.

كم طول امتحان ايفوم ifom

الامتحان طوله 3 ساعات مقسمة على اتنين 

بتحل في الأول 80 سؤال بعده بريك بعدين ال 80 سؤال التانية

البريك اختياري لكن انصحك طبعا انك تاخده وفي كلا الحالتين وقت الامتحان ماراح يزيد ابدا

كم درجة النجاح في ايفوم 

72 فما فوق 

كيف اسجل لامتحان الايفوم ifom

التسجيل للامتحان عن طريق موقعهم الرسمي 

بيفتح فترتين في يناير Jan و جولاي July بعد ماتسجل وتأكد بياناتك تختار يوم الامتحان واللي حيكون بعده ب حوالي 3 شهور في مارس وماي March -May بالنسبة للي سجل في يناير 

و Aug - Nov اغسطس ونوفمبر للي سجل في جولاي 

 بسم الله الرحمن الرحيم 

اختبار الايلتس والتوفل ielts and toefl exams

راح اجمع ليكم كل حاجة بعرفها عن الامتحانين في البداية

 شنو الفرق بين امتحان الايلتس British والتوفل American

الايلتس فيه طرق مختلفة من الأسئلة بمعنى املئ الفراغ، اجابة قصيرة، توصيل الخ.. 

باختصار في كل الأقسام راح تكتب عدا المحادثة speaking والكلام بيكون مع شخص 

التوفل كله اختيار من متعدد عدا الكلام speaking طبعا وبيكون على الكومبيوتر وليس شخص

حاجة كمان الايلتس في منه أكاديمي وده اللي بيطلبوه الجامعات أو المؤسسات التعليمية لما بعد الجامعة سواء دراسات عليا الخ... وفي جنيرال general أو عام وده لغرض الهجرة...

اللي بيسأل 

أختار ايلتس ولا توفل 

بصراحة في بداية بحثي أنا فضلت التوفل لأسباب وهي 

1-كونه اختيار من متعدد فما محتاجة أكتب شي عشان الوقت وكدا

2-اكتر جزء كان متعبني هو الكتابة writing فتوفل كان ليه template تمشي ومع الأفكار اللي عندك

خلاص ان شاء الله بتضمن درجة كويسة 

3- القراءة reading الأسئلة ورا بعض في القطعة فبخليك متابع من غير ما تضيع 

ومع كل المميزات دي امتحنت ايلتس بسبب ان الموقع ماكان عايز يسجل للامتحان 

وبالمرة حأقول كيف جا الإمتحان

1- بدينا بالسماع listening وكان كويس بتلقا وقت تكتب فيه.. هم بيطلبو انك تملي الفراغ 

2- القراءة جابو فيها 3 قطع وكل قطعة بأسئلتها وكان الموضوع مزعج 

القطع ترتيبها سهلة، متوسطة والأخيرة صعبة

ولازم تنتبه على ترتيب الأسئلة لما تمتحن كومبيوتر لأن كنت ماراح أجاوب على أسئلة لأني ماشفتهم

3- الكتابة writing على قسمين. task1 يا إنهم يجيبوا صورة او مجسم وانتم توصفوها أو يجيب paragraph ويطلب وصفه مالا يقل عن 150 كلمة. أما task2 بيجيب موضوع ويطلب أنك تتكلم فيه مالا يقل عن 300 كلمة.

4- المحادثة speaking كانت مع شخص وكانت سلسة الحمدلله ولو ما فهمت عليه من أول مرة تطلب يعيد السؤال عادي 

أعتقد واضح وين الأسهل فيهم 😬

 شنو الدرجة اللي تعتبر كويسة في كل من اختبار ايلتس و توفل؟

هو على حسب كل مؤسسة عايزة كم .. في اللي بيطلبو 5.5 وفي اللي 7 للايلتس بيكون رقم احادي لو عايزين نصيحتي 7 وفوق في كل قسم وبالمناسبة اعلى درجة هي 9 

اما توفل على حسب كل مؤسسة زي ما قلنا لكن حاولوا 95 وفوق واعلى درجة هي 120 لل iBT 

و 580 لل PBT 

خلو في بالكم

الهدف الأساسي انك تمرن نفسك وتحسن من مستواك في اللغة 

وعشان تجيب الدرجات الكويسة اللي فوق على الأقل تكون مستوى B2, C1 or C2 غير كدا صعب 

مواقع تساعد في الإستعداد لاختبار ايلتس و توفل

writeandimprove.com

 

الموقع دا بيخليك تكتب وبيساعدك في انه يقييم كتاباتك 

في ناس كتير بتسأل عن مواقع امتحانات تجريبية لإختبار ايلتس أو توفل

الأفضل انك تمرن نفسك بالفيديو على يوتيوب حل من غير ما توقف الفيديو 

عشلن الامتحانات التجريبية مابتمثل الاختبار الحقيقي ولا بتكون قريبة منه فالأحسن بلاش